سؤال منطقي ويطرح نفسه بقووه
كيف الحياه بدون نت ؟
سالته هالسؤال لنفسي بما اني لي فتره تقريبا النت من بيتنا مفصول
توقفت اشغال كثير بسبب هالانقطاع المفاجئ..!
طبيعي تأجلت اشغالي وحسيت اني حايسه مو عارفه اخلص شغلي واذا حصلت شبكه بأي مكان مااصدق على طول اشبك وارسل يمين ويسار وياريت على كذا خلصت الشغل ..
تحضير الدروس كان ناقص / نشاط الحج بعد ناقص / الموقع الالكتروني توقف/ كله بسبب غياب عن النت لمدة أقل من اسبوع تقريبا..
سبحان الله اشياء كثير في حياتنا صرنا صعب نستغي عنها او بالاحرى صارت الحياه شبه مستحيله بدونها
مثال آخر غير النت الجوالات كيف الواحد يتصرف اذا بطارية جواله فارغه او رصيده خلص !
كذلك الآب توب < إيضا هالاسبوع نسيت شاحن اللآب بالدوام طبعا تورطت لانه تحضيري كله ع الجهاز ..
^
هذي بعض مساؤي الحياه العصريه ^ـ^
جدودنا واهل زمان كانت حياتهم أبسط وأجمل وبدون هالتعقيدات.
الوالده الله يحفظها غير مقتنعه بشي اسمه جوال ولا لاب توب وضد هالاشياء احاول اقنعها بضرورة الجوالات بوقتنا الحالي لكن مازلت تقول "عشنا بدونها وبنعيش بدونها ^^
أرجع اعيد نفس السؤال:
كيف هي الحياه بدون نت !
وهل نقدر نرجع نعيش بدون نت ولا لآب ولآجوال !
هل جربت ان تستغني تماما عن هالاشياء لمدة يوم كامل ! وماذا كانت النتيجه !
:
تذكير :
أذكركم ونفسي
عن ابن عباس رضي الله عنهما قال: قال رسول الله صلى الله عليه وسلم: «ما العمل في أيام أفضل من هذه العشر» قالوا: ولا الجهاد؟ قال: «ولا الجهاد إلا رجلٌ خرج يخاطر بنفسه وماله فلم يرجع بشيء» [رواه البخاري].
دعواتكم ^ـــ^
7 التعليقات:
السلام عليكم
وصباحاتك خير
بالفعل الحياة بدون نت صعبة
ومجربة إذا انفصل عندنا بس يوم
كل الأمور عليه ناس تحضر دروس وناس تسوي بحوث وناس تدور معلومات
سبحان نحن من قيد أنفسنا به
والمهم ان يكون دوامه في الحياة للفائدة لنشر الخير للإستفاده
يعطيك العافيه غاليتي
وأسأل الله أن يعطيك حتى يرضيك
ويجعل كل أوقاتك هنا وسرور
وينولك مرادك ويجزيك الخير
تحية طيبة
اففف ذكرتيني يوم رصيدي بح من الموبايل !!
ضعت ضعت والله صدق في اشيه فالحياة ما نقدر نستغني عنها ..
حاليا الابتوب صار له بديل بعد ما خذت البلاكبيري الحمدلله ما قمت اشبك وايد من الابتوب ! وقدرت انضم وقتي اكثر من ناحية الايميلات اول ما توصلني على طول اقراها بدال لا تتراكم عليه وآخذ فوق الساعه الين ما اخلصهم!
يزاج الله خير على التذكير
والله يتقبل منا ومنكم صالح الأعمال
بالتوفيق ^_||
السلام عليكم ورحمة الله وبركاته ..
هلا اختي بنت الشيوخ اشحالج يالغالية لج وحشة والله .. ^_^
همممم اتصدقين لو قلتلج اني ابدا ما اهتم بهالاشيا لا الانترنت او الجوال ..
ف مرة من المرات انقطع تلفوني لاني مادفعت الفاتورة كنت متعايزة ادفعها قعدت شهر كااااامل من غير فون عاااادي الدنيا بخير لوول .. تبين الصراحة والله تكونين مرتاحة نفسيا من غير التلفون لا تحاتين اذا احد اتصل ولا يكون بالج مشغول بشي ..بس اللي في البيت غصبوني ارد الخط لاني اكون اكثر من 13 ساعة خارج البيت بحكم شغلي و لا سمح الله يمكن اتعرض لشي او اكون محتاجة اكلم احد .. و كذا مرة انسى التلفون في البيت لووول ^_^
اما الانترنت ف نفس الشي نادر ما استخدمه اما اخواني ف احسهم بينتحرون اذا ماشي انترنت هههه ..
انا نفس امج احب اعيش حياه بسيطة :)
ربي يجزاج كل خير عزيزتي ^_^
تحياتي لج
الغدوف .هلا بك الغاليه .
صدقتي < نحن من قيد أنفسنا به ^^
أسعدك المولى اينما كنتي ^
لوست لابك وحياك يالغاليه
من جد صعب صعب بس بنحاول
البلاكبيري بعد دام تعودتي على استخدامه بيصير صعب الاستغناء عنه .
عواشي
فديتك والله شلون تتمين شهر بدون تليفون صعب والله ><
احاول اطنش جوالي اذا فصل مااسدده واقول اجرب لكن مايمر اسبوع الا سددت ورديت الخط ^ــ^
يسعدك ربي يالغاليه ويسعد غواليك ..
والله ذكرتيني
من اسبوعين اخترب جهازي
وتم اسبوع فالتصليح
والله شفت ايام سوده
يتني حاله نفسيه :(
الله يعين بس
إرسال تعليق